Խոր վշտով կ’արձանագրենք ընկեր Յակոբ Պոյաճեանի մահը, որ տեղի ունեցաւ Կիրակի, 3 Մայիս 2026-ին, յետ կարճատեւ հիւանդութեան։ Յուղարկաւորութեան արարողութիւնը կատարուեցաւ Երկուշաբթի, 4 Մայիսին, Ռըմէյլի Ս. Յարութիւն եկեղեցւոյ մէջ։
Հանգուցեալը եղած է ե՛ւ օրինապահ կուսակցական մը ե՛ւ Հ.Մ.Մ.-ի ընտանիքի նուիրեալ ծառայ մը։ Ան անդամակցած է Դամասկոսի Հ.Մ.Մ.-ին եւ տարիներ շարունակ վարած է ատենապետի պաշտօնը։ Լիբանան փոխադրուելէ ետք, շարունակած է իր գործունէութիւնը՝ նուիրումով կատարելով իր կուսակցական պարտականութիւնները Ս.Դ.Հ.Կ. «Ժիրայր Մուրատ» մասնաճիւղէն ներս։
«Արարատ» իր ցաւակցութիւնները կը յայտնէ հանգուցեալի ընտանիքին եւ հարազատներուն, ինչպէս նաեւ Ս.Դ.Հ.Կ. «Ժիրայր Մուրատ» մասնաճիւղի վարչութեան, Սուրիոյ Հարաւային շրջանի Վարիչ մարմինին եւ Դամասկոսի Հ.Մ.Մ.-ի վարչութեան։
