Այսօր՝ Շաբաթ, 10 Յունուար 2026-ին, կէսօրէ ետք ժամը 2:15-ին, Լիբանանի ֆութպոլի Գ. դասակարգի ախոյանութեան ծիրին մէջ, Սաֆայի մարզադաշտին վրայ տեղի պիտի ունենայ Հ.Մ.Մ. Պէյրութ ընդդէմ «Շէպէպ Հումին Թահթա» հանդիպումը։
Երեք յաջորդական եւ արժանապատիւ յաղթանակներէ ետք, մեր սիրելի Հ.Մ.Մ. Պէյրութի խումբը վստահ քայլերով կը գլխաւորէ իր խմբակի առաջին դիրքը։
Այս վճռական փուլին, աւելի քան երբեք, Հ.Մ.Մ.-ի տղաքը կարիքը ունին մեր բացայայտ ու միասնական նեցուկին։
Սիրելի համակիրներ, անտեսելով կլիմայական ցուրտ պայմանները, մէկ սիրտ-մէկ հոգի, դաշտ ներկայանանք՝ մեր ձայնով, մեր ներկայութեամբ եւ մեր հաւատքով քաջալերելու Հ.Մ.Մ.-ը եւ օգնելու անոր ապահովել նոր յաղթանակ մը եւս։
Հ.Մ.Մ.-ի յաղթանակները կը ծնին նաեւ հաւաքական ոգիի եւ նուիրումի արտայայտութեամբ։
Փոխադրամիջոցները ապահովուած են Հ.Մ.Մ. Պէյրութի ակումբէն։
Մեկնում՝ կէսօրէ ետք ժամը 1:30-ին։
Բոլորս դէպի մարզադաշտ՝ Հ.Մ.Մ.-ի հետ մինչեւ վերջ։
