Ս. Ծնունդի տօնին առիթով, Երկուշաբթի, 5 Յունուար 2026-ին, Կիպրոսի Նոր Սերունդ Մշակութային Միութեան կազմակերպած ճաշկերոյթ-պարահանդէսը անցաւ ջերմ ու ընտանեկան մթնոլորտի մէջ, շրջապատուած սիրելի ընկեր-ընկերուհիներով, համակիրներով ու բարեկամներով։
Յատուկ պատիւ եւ ուրախութիւն էր մեզի համար ընդունիլ օրուայ գլխաւոր հիւրը՝ Կիպրոսի նախկին վսեմաշուք նախագահին տիկինը՝ տիկին Ֆոթինի Փափատօփուլուն, ինչպէս նաեւ տիկին Լիտա Քուրսումպան եւ Առողջապահութեան նախարարութենէն հիւրեր։
Երեկոն երաժշտութեամբ ու երգով զարդարեցին Լիբանանէն ժամանած մեր սիրելի երաժիշտները՝ Լարիսսա, Նարեկ, Սեդօ եւ Վահէ, ստեղծելով անմոռանալի տրամադրութիւն։
Գիշերը շարունակուեցաւ ուրախութեամբ ու պարով մինչեւ վաղ առաւօտեան ժամերը։
Նոր Սերունդ-ը սրտանց կը շնորհակալէ բոլոր ընկերներն ու բարեկամները, որոնք իրենց ներկայութեամբ քաջալերեցին այս երեկոն ու դարձուցին յատուկ ու անմոռանալի։
