ՀՅԴ Լիբանանի Կեդրոնական կոմիտէի պատուիրակութիւնը` գլխաւորութեամբ Ալպեր Պալապանեանի եւ ընկերակցութեամբ Ճորճ Գրիգորեանի եւ Աւետիս Կիտանեանի, այցելեց Սահակեան-Լ. Մկրտիչեան գոլէճ, ուր հանդիպում ունեցաւ դպրոցի տնօրէն Կարապետ Ղազարեանի, ՍԴՀԿ Լիբանանի շրջանի Վարիչ մարմինի ատենապետ Վանիկ Տաքէսեանի եւ ՀԿԲՄ-ի վարչութեան անդամներու հետ։
Պալապանեան յայտնեց, որ այս այցելութիւնը կը կրէ համագաղութային նպատակ։ Ան կարեւոր նկատեց դպրոցի գործունէութեան մօտէն ծանօթացումը, ինչպէս նաեւ գործակցութեան հարթակի մը ստեղծումը։ Ան նշեց, որ հայկական վարժարանները կը գտնուին զանազան մարտահրաւէրներու դիմաց եւ անհրաժեշտ է գործել հաւաքաբար՝ զանոնք դիմագրաւելու համար։
Տնօրէն Ղազարեան գնահատեց նախաձեռնութիւնը եւ պատմական անդրադարձ մը կատարեց դպրոցի մասին, ինչպէս նաեւ ներկայացուց ներկայ իրավիճակը։
Պատուիրակութիւնը շրջեցաւ դպրոցը եւ զրուցեց ուսուցիչներու հետ՝ աւելի մօտէն ծանօթանալով անոնց գործունէութեան։
