ՍԴՀԿ Լիբանանի շրջանի Վարիչ մարմինի ատենապետ ընկ. Վանիկ Տագէսեան երէկ ընդունեց նախկին երեսփոխան Ֆարէս Սուէյտի գլխաւորած պատուիրակութիւնը: Վարիչ մարմինի ընկերներու ներկայութեամբ տեղի ունեցած տեսակցութեան ընթացքին քննարկուեցան լիբանանեան քաղաքական, տնտեսական, ապահովական եւ ընկերային ընդհանուր զարգացումները: Արծարծելէ ետք Լիբանանի դիմագրաւած մարտահրաւէրներն ու զգայուն փուլը, ժողովականները կեդրոնացան խորհրդարանական ընտրութիւններու նախապատրաստութիւններուն վրայ, շեշտելով քաղաքական ուժերուն միջեւ համագործակցութեան ու երկխօսութեան կարեւորութիւնը:
Զրուցակիցները կարեւորեցին խորհրդակցութիւնները շարունակելու եւ համագործակցելու անհրաժեշտութիւնը՝ յանուն լիբանանեան համատեղ նպատակներու իրականացումին, միաժամանակ կարեւորելով Լիբանանի կայունութեան, համագոյակցութեան եւ միացեալ աշխատանքին կարեւորութիւնը՝ յաղթահարելու համար քաղաքական ու տնտեսական բազում խնդիրները:
