Առնուազն 26 մարդ զոհուեցաւ, 33 ուրիշներ վիրաւորուեցան եւ 14 մարդ անհետ կորսուեցաւ, երբ Պուալոյ որոտամրրիկը անցնող օրերուն անցաւ Ֆիլիփինէն: Աղէտներու տնօրինումի տեղական մարմինը յայտարարեց, թէ ողողումներէն տուժած է շուրջ երեք միլիոն մարդ, որոնցմէ շատեր տակաւին ապաստանած են ժամանակաւոր կացարաններու մէջ: Սաստիկ քամին, անձրեւի տեղատարափը եւ յառաջացած ողողումները կործանած են աւելի քան 3900 բնակարան: Վերջերս, Ֆիլիփինն ու մօտակայ Թայուանը ենթարկուած էին նաեւ «Ռակասա» մրրիկին, որ պատճառեց քսան զոհ:
