Լիբանան այցելեց Իրանի ազգային անվտանգութեան խորհուրդի ընդհանուր քարտուղար Ալի Լարիժանի եւ տեսակցեցաւ քաղաքական ղեկավարութեան հետ: Վարչապետ Նաուաֆ Սալամ շեշտեց, որ Իրանի հետ յարաբերութիւններուն վերականգնումը պէտք է հիմնուի փոխադարձ յարգանքի եւ միւս կողմին ներքին հարցերուն միջամուխ չդառնալու սկզբունքներուն վրայ: Իսկ Հըզպալլայի ընդհանուր քարտուղար շէյխ Նայիմ Քասէմ նշեց, որ Հըզպալլա ամուր կանգնած է մարտահրաւէրներուն եւ իսրայէլեան-ամերիկեան սպառնալիքներուն դիմաց:
