Լիբանանեան բանակը յայտարարեց, որ Պաալպաքի մերձակայ Պուատի գիւղին մէջ գտնուող կառոյցի մը խուզարկումին ընթացքին յայտնաբերուած է 64 միլիոն հատ քափթակոն տեսակի թմրանիւթ եւ 79 տակառ քիմիական նիւթ, որ կը գործածուի թմրանիւթերու արտադրութեան համար: Ըստ հաղորդագրութեան, այս գործողութիւնը կը համարուի Լիբանանի տարածքին թմրանիւթերու վաճառականութեան դէմ պայքարին մեծագոյն իրագործումներէն մէկը:
