Հանրապետութեան նախագահ Ժոզէֆ Աուն վերահաստատեց, որ Պէյրութ պատրաստ է խաղաղութիւն կնքելու Իսրայէլի հետ, պայմանաւ որ Իսրայէլ համաձայնի այդ իրագործել Պէյրութի արաբական գագաթաժողովի նախաձեռնութեան հիման վրայ: Տոհայի գագաթաժողովին ընթացքին իր արտասանած խօսքին մէջ, Աուն դիտել տուաւ, որ Տոհայի մէջ իսկական թիրախը երկխօսութիւնն էր, խաղաղ միջոցներով խնդիրները լուծելու մտադրութիւնը եւ միջնորդութեան հասկացողութիւնը: Աուն ժողովականներուն առաջարկեց ՄԱԿ-ի Ընդհանուր խորհուրդի տարեկան նստաշրջանին մասնակցիլ միացեալ կեցուածքով:
