Սուրիոյ նոր իշխանութիւններուն հետ յարաբերութիւնները վերականգնելու նպատակով, Ռուսիոյ փոխվարչապետ Ալեքսանտըր Նովաք այցելեց Դամասկոս ու տեսակցեցաւ սուրիացի բարձրաստիճան պաշտօնատարներուն հետ: Ան յայտնեց, թէ Մոսկուա կը կարեւորէ նախագահ Ահմատ Շարաայի Ռուսիա այցելութիւնը՝ մասնակցելու համար ռուս-արաբական գագաթաժողովին: Ան յանձնառութիւն յայտնեց Սուրիոյ գերիշխանութեան եւ հողային ամբողջականութեան, հաւաստիացնելով, որ ռուս-սուրիական նոր յարաբերութիւնները պիտի կառուցուին փոխադարձ յարգանքի հիման վրայ: «Դամասկոս այցելութեանս գլխաւոր նպատակն է նոր էջ բանալ մեր երկկողմանի յարաբերութիւններուն մէջ: Պատմական նոր փուլ մը սկսած է երկու երկիրներուն միջեւ», ըսաւ ռուս փոխվարչապետը:
