Առողջապահութեան նախարարութիւնը յայտարարեց, թէ առնուազն հինգ մարդ մահացած է, հինգ ուրիշներ ալ՝ վիրաւորուած, Պեքաայի եւ Հըրմէլի բարձունքներուն վրայ իսրայէլեան երէկուայ յարձակումներուն հետեւանքով: Իսրայէլեան բանակի բանբեր Ավիխայ Ատրահի յայտնեց, որ թիրախաւորած են Հըզպալլայի «Ռատուան» յատուկ ուժերուն բանակավայրերը Պեքաայի մէջ:
Այլ գիծի վրայ, ԵՈՒՆԻՖԻԼ յայտարարեց, թէ կը համագործակցի լիբանանեան բանակին հետ, որ վերջին շրջանին դիրքաւորուած է հարաւային աւելի քան 120 կէտի վրայ:
