Հանրապետութեան նախագահ Ժոզէֆ Աուն հաւաստիացուց, թէ Լիբանան յանձնառու կը մնայ Պէյրութէն յայտարարուած արաբական խաղաղութեան նախաձեռնութեան, պահանջելով արաբական հարցերուն շուրջ յայտարարել արաբական միացեալ կեցուածք մը: Արաբական խորհրդարանական ընդարձակ պատուիրակութիւն մը ընդունած ատեն, Աուն դատապարտեց իսրայէլեան շարունակական ոտնձգութիւնները, պահանջելով ճնշում բանեցնել, որպէսզի վերջ դրուի բռնութիւններուն եւ Թել Աւիւ գործադրէ զինադադարի պայմանաւորուածութիւնը:
