Հանրապետութեան նախագահ Ժոզէֆ Աուն Պաապտայի պալատին մէջ ընդունեց խորհրդարանի նախագահ Նեպիհ Պըրրին, որուն հետ քննարկեց լիբանանեան քաղաքական ու ապահովական ընդհանուր նորութիւնները: Պըրրի Պաապտայի պալատէն մեկնած ատեն լրագրողներուն ըսաւ. «Աստուածածնին օրհնութեամբ ամէն ինչ լաւ է»: Խորհրդարանի նախագահը հարցազրոյց մը տուաւ նաեւ «Նահար»-ին, որուն մէջ առաջնահերթ համարեց Լիբանանի ազգային միասնականութիւնը: Ան նշեց նաեւ, թէ հանգիստ է կառավարութեան վերջին նիստին եզրափակիչ յայտարարութեամբ, որովհետեւ կարելի եղած էր երկիրը խնայել մեծ խռովութենէ:
