Փարիզ կատարած աշխատանքային այցի ընթացքին ՀՀ Անվտանգութեան Խորհուրդի քարտուղար Արմէն Գրիգորեան հանդիպում ունեցած է Ֆրանսայի վարչապետին առընթեր գործող Պաշտպանութեան եւ ազգային անվտանգութեան գլխաւոր քարտուղար Նիքոլայ Ռոշի հետ:
Զրուցակիցները քննարկած են Հայաստան-Ֆրանսա երկկողմ յարաբերութիւններու օրակարգը, մասնաւորապէս՝ անդրադարձ կատարուած է անվտանգային համագործակցութեան եւ քննարկուած կիպեր անվտանգությեան ու տեղեկատուական միջավայրի աղտոտուածութեան հարցերու ծիրին մէջ համագործակցութիւնը:
Արմէն Գրիգորեան ներկայացուցած է Օգոստոս 8-ին ձեռք բերուած պայմանաւորուածութիւնները տարածաշրջանային հաղորդակցութիւններու ապաշրջափակման վերաբերեալ՝ ընդգծելով, որ պիտի ստեղծուին տնտեսական լայն հնարաւորութիւններ ինչպէս տարածաշրջանի, այնպէս ալ արտատարածաշրջանային երկիրներու համար:
Հանդիպման ընթացքին պայմանաւորուածութիւն ձեռք բերուած է հաստատութենակացնելու երկու երկիրներու գրասենեակներուն միջեւ առկայ կապերը:
