Սուրիոյ նախագահ Ահմատ Շարաա յայտնեց Սուրիոյ վերականգնումի հիմնադրամին ծնունդը, վստահեցնելով որ սուրիացիները այսօր կ’ապրին վերակառուցումի, զարթօնքի եւ Սուրիոյ նոր պատմութիւնը գրելու փուլին մէջ: «Այս նպատակին մենք պիտի հասնինք մեր սեփական ուժերով, աշխատասիրութեամբ եւ դրամով: Մենք մեր վրայ կը վստահինք վերականգնելու մեր հայրենիքը», շեշտեց Սուրիոյ նախագահը:
Իսկ Սուրիոյ տիւրզիներու հոգեւոր առաջնորդ շէյխ Հըքմէթ էլ-Հաճրի յանձնառութիւն յայտնեց Սուէյտայի վերջին միջադէպերուն ընթացքին առեգանգուած մարդոց անյապաղ ազատ արձակումին: «Այս քաղաքական հարցէ առաջ մարդասիրական թղթածրար մըն է, որ կը շարունակէ մեր սրտերուն արիւնահեղութիւնը», ըսաւ ան, պահանջելով անյապաղ իրենց բնակիչներուն վերադարձնել թալանուած գիւղերը եւ հողերը: «Այս իրաւունքը չի տապալիր գործարքներով, այլ անհրաժեշտ է մարդոց տունդարձը եւ գիւղերուն վերականգնումը», ըսաւ տիւրզիներուն հոգեւոր առաջնորդը:
