Սուրիոյ հարցով ամերիկացի յատուկ պատուիրակ Թոմ Պարրաք յայտնեց, թէ Սուրիոյ կառավարութիւնը խոստացած է ամէն ջանք ի գործ դնել՝ հաշուեյարդարի ենթարկելու համար հարաւային Սուէյտա գաւառին մէջ ոճրագործութիւններ կատարողները: «Սուրիա պիտի համագործակցի ՄԱԿ-ին հետ՝ հետաքննելու համար վերջին շրջանի միջադէպերը», ըսաւ Պարրաք, յանձնառութիւն յայտնելով հարաւի բնակչութեան մարդասիրական օգնութիւններու փոխանցումին: Պատուիրակին համաձայն, Դամասկոս պիտի յարգէ եւ պաշտպանէ Սուրիոյ հաւաքականութեան ազգային եւ յարանուանական բոլոր բաղադրիչները, միացեալ խաղաղ ապագայ մը ապահովելով ժողովուրդին: Ան ահազանգեց, սակայն, որ կան որոշ ուժեր, որոնք կը փորձեն խափանել կառավարութեան աշխատանքը:
ՀԱՇՈՒԵՅԱՐԴԱՐԻ ԵՆԹԱՐԿԵԼ ՍՈՒԷՅՏԱՅԻ ՄԷՋ ՈՃԻՐ ԳՈՐԾՈՂՆԵՐԸ
