Սուրիոյ անցումային արդարութեան ազգային խորհուրդի նախագահ Ապտ էլ-Պասէթ Ապտ էլ-Լաթիֆ յայտնեց, թէ Դամասկոսի իշխանութիւնները որոշած են հետապնդել բոլոր անոնք, որոնք ոճիր գործած են սուրիացի ժողովուրդին նկատմամբ, աւելցնելով թէ հետապնդումի ենթակայ պիտի ըլլայ նաեւ Հըզպալլան:
Իսկ Սուրիոյ Ներքին գործերու նախարարութիւնը յայտարարեց, թէ երկար հետապնդումէ ետք ձերբակալած է ապօրինի կազմակերպութեան մը երկու անդամները, որոնք կ’ուղղուէին Թարթուսի Սաֆիթա գիւղը՝ ահաբեկչական գործողութիւն մը կատարելու Սուրբ Էլիաս եկեղեցւոյ մէջ: Ըստ յայտարարութեան, կասկածելիները առնչուած են նախկին իշխանութիւններուն հետ:
