Մարոնի եպիսկոպոսներու խորհուրդը իր ամսական նիստին ընթացքին ողջունեց կառավարութեան որոշումները, իսկ Հանրապետութեան մուֆթի շէյխ Ապտ էլ-Լաթիֆ Տըրիան դրուատեց կառավարութեան որոշումները, զանոնք համարելով լիբանանցիներուն շահերէն բխող քայլեր: Միւս կողմէ, Հըզպալլայի հովանիին տակ գործող մութֆի Ահմատ Քապալան լիբանանցիներուն սպառնաց ներքին ապահովութեան ցնցումով, եթէ որոշուի ապազինել Հըզպալլան: «Նոր իշխանութիւնը կը վտանգէ ազգային միասնականութիւնն ու ներքին խաղաղութիւնը: Զգուշացէք նոր 17 Մայիսէն, որովհետեւ երկիրը արդէն վառօդ է եւ այդ կարելի չէ մարել պենզինով», զգուշացուց մուֆթի Քապալան:
