Լիբանանեան բանակը յայտարարեց, թէ Լիբանանի գերիշխանութեան նկատմամբ ոտնձգութիւններուն ծիրին մէջ, ձեռնառումբ մը կրող իսրայէլեան անօդաչու սարք մը ջախջախուած է Մարժաայունի Մէյս էլ Ժապալ գիւղին մէջ: Բանակին պայթուցիկներու մասնագէտները իսկոյն ուղղուած են միջադէպի բեմավայր, ուր վնասազերծած են ռումբեր, իսկ սարքը փոխադրած բանակի զօրամաս՝ անհրաժեշտ քննութիւնները կատարելու նպատակով: Իսրայէլեան բանակին բանբեր Աւիխայ Ատրահի նախապէս ստանձնած էր Պընթ Ժպէյլ գաւառին մէջ Հըզպալլայի զինուորական պատասխանատուներէն Ալի Ապտ էլ-Քատէր Իսմայէլը ահաբեկելու գործողութեան պատասխանատուութիւնը: Ըստ իսրայէլեան կողմին, Ապտ էլ-Քատէր աշխատանք կը տանէր շրջանին մէջ Հըզպալլայի ռազմական կարողութիւնները վերականգնելու:
