Սուրիոյ հարցով ամերիկացի յատուկ պատուիրակ Թոմ Պարրաք դիտել տուաւ, որ Լիբանանի կառավարութեան ճշմարտացիութիւնը կը կայանայ սկզբունքները որդեգրելու եւ զանոնք գործադրելու մէջ: Յիշեցնելով լիբանանցի պաշտօնատարներուն պնդումը, որ զէնք պէտք է ըլլայ միայն պաշտօնական կառոյցներուն մօտ, Պարրաք շեշտեց, որ Հըզպալլա պէտք է գործադրէ որոշումները եւ իսկոյն յանձնէ զէնքները, որպէսզի լիբանանցի ժողովուրդը չմատնուի վտանգաւոր վերիվայրումներու: «Կառավարութիւնն ու Հըզպալլան պէտք է անյապաղ շարժին զէնքին հարցով, որովհետեւ խօսքերը այլեւս բաւարար չեն», շեշտեց Պարրաք:
Այս առումով, նախկին երեսփոխան Ուալիտ Ճոմպլաթ մտահոգութիւն յայտնեց, որ «իր ծանր զէնքերէն չհրաժարելու Հըզպալլային յամառութիւնը աղէտ պիտի պատճառէ երկրին»:
