Սուրիոյ հարաւային Սուէյտէ գաւառը անցնող երկու օրերուն ականատես դարձաւ արագընթաց զարգացումներու: Սուրիոյ մէջ տիւրզիներու կեդրոններէն համարուող այս գաւառին մէջ բախումները եւ վայրագութիւնները շարունակուեցան երէկ շրջանէն զինուած քաղաքացիներու եւ Դամասկոսէն հասած Պաշտպանութեան նախարարութեան զինուորներու միջեւ, երբ կառավարութեան ուժերը փորձեցին մուտք գործել Սուէյտէ քաղաք եւ տիրապետել գաւառին՝ վերջ տալով զինալ երեւոյթներուն: Մարդկային իրաւունքներու սուրիական դիտարանը յայտարարեց, թէ Կիրակի օր սկսած խնդիրներուն ընթացքին մահացած է առնուազ 248 հոգի՝ ներառեալ 64 զինուած տիւրզիներ, 28 քաղաքացիներ եւ պաշտպանութեան ու ներքին գործերու նախարարութեան 138 զինուորներ, ինչպէս նաեւ 18 պետեվիներ: Ի տես Սուէյտայի մէջ տեղի ունեցածին, Սուրիոյ տիւրզիներու հոգեւոր ղեկավարութիւնը արտաքին ուժերէն պահանջեց անյապաղ միջամտել ու վերջ տալ տեղի ունեցածին:
