Քիւրտիստանի աշխատաւորական կուսակցութեան ղեկավար Ապտիւլլա Օճալան Թուրքիոյ խորհրդարանին կոչ ուղղեց կազմելու խաղաղութեան հոլովոյթը եւ զէնքերու յանձնումը տնօրինող յատուկ յանձնախումբ մը: «Թուրքիոյ դէմ զինեալ պայքարը աւարտեցաւ եւ կուսակցութեան ապազինումը պիտի ամբողջանայ շուտով», ըսաւ Օճալան, վերահաստատելով քանի մը ամիս առաջ զինեալ պայքարէն հրաժարելու որոշումը: Օճալանի համաձայն, անհրաժեշտ է բիւրեղացնել խաղաղութեան յանգելու քաղաքական ուղեցոյց մը՝ յաջողցնելու համար բչանակցութիւնները, պահանջելով անցնիլ ժողովրդավարական քաղաքականութիւններու: Յիշեցնենք, որ Քիւրտիստանի աշխատաւորական կուսակցութիւնը յայտարարած էր Թուրքիոյ դէմ զինեալ պայքարը դադրեցնելու մասին, ընդառաջելով ցկեանս բանտարկուած Օճալանի կոչին:
