«Ռոյթըրզ» լրատու գործակալութիւնը հաղորդեց, թէ լիբանանցի բարձրաստիճան պաշտօնեաներ կը կատարեն քննարկումներ՝ պատասխանելու համար Պէյրութի իշխանութիւններուն հասած ամերիկեան պամաններուն, որ Լիբանանի ղեկավարութեան փոխանցած էր ամերիկացի պատուիրակ Թոմ Պարաք: Ըստ գործակալութեան, Պարաքին փոխանցած փաստաթուղթը կը բաղկանայ վեց էջէ եւ կը ներառէ ընդհանուր լուծումի ուղեցոյց մը, ուր կը պահանջուի անյապաղ ապազինել Հըզպալլան ու պաղեստինեան կազմակերպութիւնները, բարելաւել յարաբերութիւնները Սուրիոյ հետ եւ իրականացնել արմատական բարեփոխումներ: Ամերիկեան առաջարկներուն մէջ կը խօսուի հարաւի բռնագրաւեալ շրջաններէն իսրայէլեան աստիճանական նահանջին մասին, եթէ Հըզպալլա իր զէնքը յանձնէ պետութեան:
