Փաստաբան Արա Զոհրապեան Կիւմրիի մէջ ընթերցեց Շիրակի թեմի առաջնորդը ձերբակալելու որոշումը եւ ընդգծեց, որ ան հիմնուած է 2024-ի 3 Փետրուարին տրուած հարցազրոյցի մը մէջ սրբազանին խօսքերուն վրայ, ուր նկատուած են իշխանութիւնը եւ երկրին սահմանադրական կարգը տապալելու կոչեր: Իսկ Ընդհանուր դատախազութիւնը յայտարարեց, թէ քրէական գործը յարուցուած է 17 Յունիսին՝ իշխանութիւնը տապալելու, տարածքային ամբողջականութիւնը խախտելու, ինքնիշխանութենէն հրաժարելու եւ սահմանադրական կարգը բռնի տապալելու հրապարակային կոչերու լոյսին տակ:
