Տարածաշրջանային ապահովական լարուածութեան զուգահեռ, Լիբանանի հարաւային որոշ շրջաններ երէկ ականատես դարձան իսրայէլեան օդային սաստկացած յարձակումներու, որոնք կեդրոնացան մանաւանդ Ժըզզին եւ Նապաթիէ գաւառներուն մէջ, ծանրօրէն թիրախաւորելով դիրքեր Մահմուտիէ, Ռէյհան, Ժըպաա, Քֆարմըլքի, Անսար, Լըպնա-Պէյսարիէ, Ուատի Հումին եւ Այշիէ բնակավայրերուն մօտ: Նշենք, որ Այշիէն հանրապետութեան նախագահ Ժոզէֆ Աունի ծննդավայրն է:
Անդրադառնալով իսրայէլեան ոտնձգութիւններուն, Հըզպալլայի ընդհանոր քարտուղար սայէտ Նահիմ Քասէմ նշեց, թէ իրենք կը վերապահեն հակադարձութեան իրաւունքը եւ անհրաժեշտ քայլերու պիտի ձեռնարկեն, եթէ չյաջողին պետութեան ջանքերը: Պէյրութի հարաւային արուարձաններու Մըէյժէ շրջանին մէջ երէկ յայտնաբերուեցաւ իսրայէլեան վերջին պատերազմէն մնացած իսրայէլեան չպայթած ռումբ մը, որ լիբանանեան բանակին մասնագէտները փոխադրեցին ապահով
