Պաշտպանութեան նախարար Միշէլ Մնասսա եւ խաղաղապահ ուժերու հրամանատար Արոլտօ Սազարօ Եարզէի մէջ ստորագրեցին նոր համաձայնութիւն մը, ըստ որուն՝ խաղաղապահները ֆրանսական աջակցութեամբ կը զօրակցին լիբանանեան բանակի ուժանիւթային եւ սննդական կարիքներուն: Մնասսա իր արտասանած խօսքին մէջ կարեւորեց բանակ-ԵՈՒՆԻՖԻԼ համագործակցութիւնը, մաղթելով որ ՄԱԿ-ի Ապահովութեան խորհուրդը շուտով երկարաձգէ խաղաղապահ ուժերուն առաքելութիւնը:
