Ամերիկեան իշխանութիւնները փակեցին Լոս Անճըլըսի կեդրոնական հատուածը, բացարձակապէս արգիլելով այդ շրջանին մէջ ժողովրդային հաւաքներու կազմակերպումը՝ առ ի հակադարձութիւն քաղաքի նշեալ հատուածին մէջ անցնող երեք օրերուն տեղի ունեցած անկարգութիւններուն, որոնք բռնկած էին ամերիկեան ազգային պահակագունդէն եւ բանակէն զինուորներու տեղակայումէն ետք՝ նախագահ Տոնըլտ Թրամփի հրահանգով, հակառակ նահանգային իշխանութիւններու ընդդիմութեան: Ժողովրդային ցոյցերը սկսած էին որպէս հակադարձութիւն ապօրինի գաղթականները հետապնդելու մասին իշխանութիւններու որոշումին եւ այդ առնչութեամբ ապահովական ուժերու ձեռնարկած հետապնդումներուն: Ապահովական ուժերը արցունքաբեր կազ եւ ձայնային ռումբեր գործածեցին՝ ցրելու համար ցուցարարները, ոստիկանութիւնն ալ յայտարարեց 56 ցուցարարի ձերբակալութեան մասին: Նոյն ծիրին մէջ, Գալիֆորնիոյ նահանգապետը սպառնաց չվճարել դաշնակցային տուրքերը, որպէս հակադարձութիւն կեդրոնական կառավարութեան կողմէ Գալիֆորնիոյ տրամադրուած ֆինանսաւորումներու ծաւալի կրճատումին: Ան նշեց, որ իրավիճակը սրած է նախագահ Տոնըլտ Թրամփի միջամտութեան հրահանգներէն ետք:
