2025-ի առաջին հինգ ամիսներուն զգալիօրէն աճած է Պէյրութի միջազգային օդակայանին աշխուժութիւնը եւ բարձրացած է այս կարեւոր ենթակառոյցէն անցնող ուղեւորներուն թիւը: Այս տարի մինչեւ Մայիս Լիբանան ժամանողներուն թիւը հասած է երեք հարիւր հազարի, որ բարձրագոյնն է 2019-էն ի վեր: Ուստի, 2025-ի առաջին հինգ ամիսներուն Պէյրութի օդակայանէն անցած ուղեւորներուն թիւը հասած է երկու միլիոն 409 հազարի, մինչ անցեալ տարուայ նոյն ժամանակահատուածին հոսքը երկու միլիոն 387 հազար էր: Լիբանանէն մեկնողներուն թիւն ալ բարձրացած է՝ հասնելով 260 հազարի: Այս տարի ցարդ կազմակերպուած թռիչքներուն թիւը 4607 է՝ 7,28 առ հարիւրի աճ, բաղդատած 2024-ին հետ: Այս լաւատեսութիւն ներշնչած է զբօսաշրջային ոլորտով զբաղողներուն, որոնք խոստումնալից կը համարեն ամառնային գալիք եղանակը:
