ԵՈՒՆԻՖԻԼ-ի խաղաղապահ ուժերու բանբեր Անտրէա Թենանթի ժխտեց ԵՈՒՆԻՖԻԼ-ի առաքելութիւնը եզրափակելու մտադրութեան մասին տարածուած տարաձայնութիւնները ու շեշտեց, թէ խաղաղապահ ուժերու կարգավիճակին վերաբերող որոշումները կը կայացուին բացառաբար ՄԱԿ-ի Ապահովութեան խորհուրդին կողմէ: «Խաղաղապահները կը շարունակեն իրենց հարաւային գործողութիւնները, սակայն կարիք ունին ամբողջական կայունութեան: Լիբանանի բռնագրաւեալ հինգ բլուրներէն իսրայէլեան ուժերու անյապաղ նահանջը անհրաժեշտ է՝ իրականացնելու այդ կայունութիւնը», նշեց Թենանթի՝ վերահաստատելով, որ լիբանանեան բանակը կը գործադրէ զինադադարի համաձայնութիւնը եւ կը տեղակայուի երկրի հարաւային շրջաններուն մէջ՝ համագործակցելով խաղաղապահներուն հետ:
