Իսրայէլեան խորհրդարանին մէջ նոր ճգնաժամ է: Ծայրայեղ հրեաները զինուորական պարտադիր ծառայութենէն ազատելու վերաբերեալ բանակցութիւններու ձախողութենէն ետք, կրօնական կուսակցութիւնները կոչ ուղղեցին քաշուելու Պենիամին Նեթանիահուի կառավարութենէն եւ կազմակերպելու խորհրդարանական արտակարգ ընտրութիւններ: Վարչապետը, իր կարգին, խորհրդարանի Արտաքին եւ անվտանգութեան հարցերու յանձնաժողովէն պահանջեց գումարել նիստ մը եւ խափանել ընդդիմութեան ծրագրերը: Ելեւմուտքի նախարարը, իր կարգին, վտանգաւոր համարեց ճգնաժամը եւ ահազանգեց, թէ «Իսրայէլ կը մօտենայ արտակարգ ընտրութիւններու, ինչ որ կը նշանակէ պատերազմի աւարտը կամ պարտութիւն»: Ընդդիմութեան առաջնորդ Եաիր Լափիտ կարծիք յայտնեց, որ Քնէյսէթը աւարտած է եւ երեսփոխանները չեն կրնար մեզ մղել մէկ աղէտէն միւսին:
