Հանրապետութեան նախագահ Ժոզէֆ Աուն Պաապտայի պալատին մէջ ընդունեց Լիբանանեան-պաղեստինեան երկխօսութեան յանձնախումբի նախագահ Ռամէզ Տիմաշքիէն, որուն հետ քննարկեց նախագահ Մահմուտ Ապպասի հետ գագաթաժողովին ընթացքին կայացուած որոշումներուն գործադրութեան ծրագիրը: Պաապտա այցելեց նաեւ Թուային համագործակցութեան կազմակերպութեան ընդհանուր տնօրէնը, որ շնորհակալութիւն յայտնեց յանձնախումբին միանալու Լիբանանի որոշումին առնչութեամբ, պատրաստակամութիւն յայտնելով համագործակցութեան, որպէսզի Լիբանան արագօրէն միանայ յանձնախումբին:
