Հարաւային Լիբանանի եւ Պեքաայի զանազան շրջաններու ուղղութեամբ իսրայէլեան դիպուկ հարուածները մաս կը կազմեն երկրի առօրեային: Առողջապահութեան նախարարութիւնը երէկ յայտարարեց, թէ մարդ մը զոհուած է սահմանային Պընթ Ժպէյլ գաւառին մէջ ինքնաշարժի մը ուղղութեամբ անօդաչու սարքերու արձակած հրթիռներէն: Իսրայէլեան բանակի բանբեր Աւիխայ Ատրահի իր կարգին յայտնեց, թէ ահաբեկած են Հըզպալլայի հրետանային ուժերու պատասխանատուներէն մէկը:
