Հանրապետութեան նախագահ Ժոզէֆ Աուն յայտնեց, թէ Լիբանանի եւ Իրաքի միջեւ մշակուած են բազմաթիւ ծրագրեր, որոնցմէ պիտի օգտուին երկու երկիրները: Իրաքի նախագահը իր կարգին պատրաստակամութիւն յայտնեց բոլոր ոլորտներուն մէջ համագործակցելու Լիբանանի հետ եւ համակարգելու տարածաշրջանային եւ միջազգային թղթածրարներուն վերաբերեալ երկու կողմերուն կեցուածքները: Իսկ Իրաքի վարչապետը Աունին հետ տեսակցութեան ընթացքին յայտնեց, թէ Պաղտատ կը զօրակցի Լիբանանի ներքաղաքական համաձայնութեան եւ խստիւ կը դատապարտէ Լիբանանի նպատմամբ իսրայէլեան ոտնձգութիւնները:
