Իրանի հիւլէական ուժանիւթի կազմակերպութեան նախագահ Մոհամմատ Իսլամի յայտնեց, որ Միացեալ Նահանգներուն հետ հիւլէական համաձայնութիւն մը կնքելու պարագային, Թեհրան գուցէ ամերիկացի քննիչներուն արտօնէ միջազգային մասնագիտական խումբերուն ընկերակցութեամբ այցելել հիւլէական կառոյցներ: Իսկ իսլամական յեղափոխութեան հրամանատար զօրավար Հըսէյն Սալամի զգուշացուց, որ Իրան պատրաստ է բոլոր հնարաւոր զարգացումներուն եւ պիտի չհպատակի այլոց կամքին:
