Հանրապետութեան նախագահ Ժոզէֆ Աուն հաւաստիացուց, որ արաբական Միացեալ Էմիրութիւններուն հետ Լիբանանի յարաբերութիւնները կը զարգանան օր ըստ օրէ: Պաապտայի պալատին մէջ էմիրաթական հիւր պատուիրակութիւն մը ընդունած ատեն նախագահ Աուն խօսեցաւ լիբանանեան հրատապ կարիքներուն մասին: Էմիրաթցիները իրենց կարգին վստահեցուցին, թէ Ապու Տապի պիտի շարունակէ մնալ լիբանանցիներուն կողքին՝ իրագործելու անոնց փափաքները: Էմիրաթական պատուիրակութիւնը իր կարգին շարունակական աջակցութիւն յայտնեց Լիբանանին, դրուատելով նախագահ Աունի դիրքորոշումները եւ արաբական աշխարհին մէջ յարաբերութիւնները ամրացնելու միտումը:
