Չկայ եւ չի կրնար «Արեւմտեան Ատրպէյճան» ըլլալ Հայաստանի Հանրապետութեան ինքնիշխան տարածքին. «Երեւանեան երկխօսութիւն» երկրորդ միջազգային համագումարի ժամանակ ըսած է վարչապետ Նիկոլ Փաշինեան:
Ան յաւելած է, որ անոր քննարկումը Երեւանի համար բացառուած է, ինչ որ, ըստ վարչապետին, իրաւաչափ դիրքորոշում է:
Խօսելով Պաքուի միւս պահանջին՝ Սահմանադրութիւնը փոխելու մասին, վարչապետը նշած է, որ եթէ ՀՀ Սահմանադրական դատարանը որոշէ, որ խաղաղութեան պայմանագիրը չի համապատասխաներ Սահմանադրութեան, այդ պարագային ինք կը նախաձեռնէ սահմանադրական փոփոխութիւններ::
Նախորդ շաբաթ Ատրպէյճանի նախագահ Իլհամ Ալիեւ յայտնած էր, որ պաշտօնական Երեւանը պէտք է յստակօրէն ըսէ, թէ երբ ատրպէյճանցիները պիտի վերադառնան իրենց նախկին բնակութեան վայրեր, վերադարձէն յետոյ ալ ինչպէս պիտի ապահովուի անոնց անվտանգութիւնը։
