Քաղաքապետական եւ թաղապետական ժողովրդային ընտրութիւններուն եզրափակումով, ընտրական հոլովոյթը տակաւին չէ աւարտած: Գաւառապետներուն վերահոսկողութեան տակ, երէկ շարունակուեցան քաղաքապետական խորհուրդները ղեկավար անձերուն, ինչպէս նաեւ քաղաքապետական համադաշնակցութիւններու նախագահներուն ընտրութիւնը: Այս ծիրին մէջ, յատկանշական էր Միրնա Մըրի վերընտրութիւնը, որպէս Մեթն գաւառի քաղաքապետութիւններու համադաշնակցութեան նախագահ:
