Ապահովական առումով, լիբանանեան բանակը յայտարարեց, թէ հետախուզական ծառայութիւնները զանազան շրջաններու մէջ ձերբակալած են 14 քաղաքացիներ: Արեւմտեան Պեքաայի Քամետ էլ-Լոզ գիւղին մէջ, անծանօթ զինեալներ կրակ բացին ընտրութեան մասնակից ցանկերէն մէկուն գրասենեակին վրայ, վիրաւորելով քաղաքացի մը: Լիբանանեան բանակը անյապաղ միջամտեց եւ հետապնդեց կասկածելիները: Նշենք, որ բանակի հրամանատար զօրավար Ռուտոլֆ Հայքալ անձամբ հետեւեցաւ բանակին ձեռնարկած ապահովական շարժումներուն:
