Երեւանի, ինչպէս նաեւ Հայաստանի այլ քաղաքներու մէջ այսօր կը նշուի եւրոպական թանգարաններու գիշերը, որուն ծիրին մէջ բազմաթիւ թանգարաններ եւ ցուցադրասրահներ երեկոյեան ժամերէն մինչեւ արեւածագի առաջին ժամերը իրենց դռները անվճար կը բանան քաղաքացիներուն եւ զբօսաշրջիկներուն առջեւ, բոլորին հնարաւորութիւն տալով քանի մը ժամերու ընթացքին այցելելու առաւելագոյն թանգարաններ՝ ծանօթանալով երկրին պատմութեան, մշակութային հարստութեան եւ իւրայատկութիւններուն: Կրթութեան, գիտութեան, մարմնակրթութեան ու մշակոյթի նախարար Ժաննա Անդրէասեան յայտնեց, որ 2024-ի աւարտի դրութեամբ հայկական թանգարաններ ացելած է աւելի քան 1,2 միլիոն մարդ, որոնցմէ 50 առ հարիւրը՝ զբօսաշրջիկներ:
