Քիւրտիստանի աշխատաւորական կուսակցութիւնը հրապարակեց իր 12-րդ համագումարին արդիւնքները: Ըստ քրտական կուսակցութեան, որոշուած է կազմալուծել կազմակերպչական կառոյցը եւ պաշտօնապէս վերջ տալ զինեալ պայքարին, ինչպէս նաեւ կուսակցութեան անունով կազմակերպուող շարժումներուն: Նշենք, որ Քիւրտիստանի աշխատաւորական կուսակցութեան զինեալ շարժումներուն վերջ տալու որոշումի մասին նախապէս յայտարարած էր նաեւ կուսակցութեան բանտարկուած ղեկավար Ապտիւլլա Օճալանը՝ բանտէն կուսակիցներուն ուղղուած պատգամին մէջ:
