Միացեալ Նահանգներու փոխնախագահ Ճէյ Տի Վանս դրական որակեց Իրանի հետ ամերիկեան բանակցութիւններուն ընթացքը: «Պիտի կնքուի համաձայնութիւն մը, որ Իրանը պիտի վերադարձնէ միջազգային տնտեսութիւն, միաժամանակ արգիլելով անոր տիրանալ հիւլէական զէնքի», ըսաւ ամերիկացի պաշտօնատարը: Անոր համաձայն, նախագահ Տոնըլտ Թրամփ կ’ընդդիմանայ հիւլէական զէնքերու տիրացումին, ուստի պատրաստ է յառաջիկային խորհրդակցելու իր ռուս եւ չինացի պաշտօնակիցներուն հետ՝ հիւլէական զէնքերուն թիւը նուազեցնելու նպատակով:
