Սուրիոյ տիւրզիաբնակ շրջաններուն մէջ իրավիճակը տակաւին չէ բնականոնացած: Մարդկային իրաւունքներու սուրիական դիտարանը երէկ հաղորդեց, որ անծանօթ զինեալներ հարաւային Սուէյտէ քաղաքին մօտ կրակ բացած են քաղաքացիներ փոխադրող հանրակառքի վրայ, որուն յաջորդած է հրաձգութեան փոխանակում տիւրզի զինեալներուն եւ ապահովական ուժերուն միջեւ: Ըստ սուրիական տեղեկութիւններուն, անցնող քանի մը օրերուն տեղի ունեցած ներքին բախումներուն ընթացքին մահացած է 101 մարդ:
Իսկ լուծումի փորձերու ծիրին մէջ, Սուէյտէի մէջ ժողով մը գումարեցին շրջանի հեղինակութիւնները եւ որոշեցին քայլերու ձեռնարկել իրավիճակը հակակշիռի տակ առնելու համար: Որոշուեցաւ զինադադար յայտարարել եւ ապահովութեան պահպանումը վստահիլ անվտանգութեան ուժերու այն ծառայողներուն, որոնք Սուէյտէ գաւառէն են: Կոչ ուղղուեցաւ նաեւ վերաբանալու Դամասկոսի ճամբան եւ վերացնելու Սահնայա եւ Ժարամանա գիւղերուն պաշարումը:
