Շաբաթ, 26 Ապրիլ 2025-ին, Նիկոսիոյ մէջ տեղի ունեցած է Հայոց Ցեղասպանութեան ոգեկոչում, ուր կատարուած է Երիտասարդական քայլարշաւ եւ ապա Համայնքային քայլարշաւ դէպի Ցեղասպանութեան յուշակոթող։
Այնտեղ, ուղերձներ արտասանած են կիպրահայոց թեմի կաթողիկոսական փոխանորդ Տէր Կոմիտաս արք. Օհանեանը, Հայ համայնքի պետական ներկայացուցիչ տիար Վարդգէս Մահտեսեանը եւ Հայաստանի Հանրապետութեան նորանշանակ արտակարգ եւ լիազօր դեսպան տիկ. Իննա Թորգոմեանը:
Պաշտօնական ելոյթներէն ետք, ծաղկեպսակներ զետեղուած են Ցեղասպանութեան յուշակոթողին առջեւ, որոնց մէջ նաեւ Ս.Դ.Հ.Կ-ի Կիպրոսի Վարիչ մարմինին կողմէ՝ առաջնորդութեամբ ատենապետ ընկ. Ռազմիկ Տիգրանեանի։
