Կրթութեան եւ բարձրագոյն ուսումի նախարար Ռիմա Քարամի յայտնեց, որ պաքալորեայի պետական քննութիւնները պիտի սկսին 9 Յուլիսին եւ բաժնուին հինգ օրերու վրայ: «Այս որոշումը կայացուցինք խոր քննարկումներէ ետք, ի մտի ունենալով երկրին վիճակը եւ աշակերտներուն դիմագրաւած խնդիրները», ըսաւ նախարարը: Քարամիի խօսքով, 1 Յունուարը որդեգրուած է որպէս դպրոցական տարեշրջանի գործնական վերամուտի օր, հետեւաբար, պետական քննութեան պարագային կրճատուած են պահանջուած դասանիւթերը, իսկ քննութիւնը պիտի կայանայ աշակերտին զօրակցող մթնոլորտի մէջ: Նշենք, որ նախարարութիւնը նախապէս չեղարկած էր այս տարուայ պրէօվէի քննութիւնը, փոխարէնը որոշելով յաջողութեան չափանիշ համարել դպրոցական նիշերը:
