Միացեալ Նահանգներու նախագահ Տոնըլտ Թրամփ յայտնեց, որ Իրանի հետ բանակցութիւններուն վերաբերեալ աշխատանքները դրական կ’ընթանան եւ շուտով կարելի պիտի ըլլայ յանգիլ համաձայնութեան մը, առանց ռումբերու գործածութեան կարիք ունենալու: Իրանի իսլամական յեղափոխութեան հոգեւոր գերագոյն առաջնորդ Ալի Խամինէի հրահանգեց լուրջ հետաքննել հարաւային Պանտար Ապպասի նաւահանգիստին մէջ տեղի ունեցած հսկայական պայթումին դրդապատճառները եւ պատժել յանցագործները: Ներքին գործերու նախարարը իր կարգին յայտնեց, որ պայթումին պատճառը պաշտօնեաներու անփութութիւնն է եւ անվտանգութեան օրէնքներուն նկատմամբ անտարբերութիւնը:
