Քրեմլին յայտարարեց, թէ Ռուսիոյ նախագահ Վլատիմիր Փութին Հայրենական մեծ Պատերազմի յաղթանակի 80-ամեակի տօնակատարութիւններու օրերուն զինադադար պիտի յայտարարէ Ուքրանիոյ մէջ: Մոսկուայի համաձայն, զինադադարը պիտի երկարի 8-էն 11 Մայիս, սակայն ռուսական ուժերը պատրաստ պիտի ըլլան ուժգին հակադարձելու, եթէ ուքրանացիները տօնակատարութիւններուն ընթացքին խախտեն զինադադարը: Ուքրանիոյ Արտաքին գործերու նախարարութիւնը միւս կողմէ առաջարկեց 30 օր երկարող զինադադար:
Միացեալ Նահանգներու արտաքին գործերու նախարար Մարքօ Ռուպիօ իր կարգին յայտնեց, որ յառաջիկայ շաբաթը վճռորոշ պիտի ըլլայ Ուքրանիոյ մէջ զինադադարի համաձայնութիւն կնքելու ջանքերուն առնչութեամբ:
