Վարչապետ Նաուաֆ Սալամ քաղաքապետական ընտրութիւնը համարեց Լիբանանի մէջ վարչական ապակեդրոնացումը աշխուժացնելու առաջին քայլը: Սալամ վստահեցուց, որ ստուգած է Ներքին գործերու նախարարութեան ընտրական նախապատրաստութիւնները եւ կը վստահեցնէ, որ անհրաժեշտ աշխատանքը տարուած է կազմակերպելու ընտրութիւնները: Ներքին գործերու նախարար Ահմատ Հաժժար իր կարգին դիտել տուաւ, որ զինադադարը դիտարկող կողմերուն հետ կը կատարուին հաղորդակցութիւններ՝ երաշխաւորելու համար հարաւի կայունութիւնը, որպէսզի կարելի ըլլայ կազմակերպել քաղաքապետական ընտրութիւնները:
