Համաս շարժումի պատասխանատուներէն Թահէր Նունու կազմակերպութեան պատարաստակամութիւնը յայտնեց ազատ արձակելու իսրայէլացի մնացեալ գերիները, պայմանաւ որ անյապաղ դադրին իսրայէլեան զինուորական գործողութիւնները եւ իսրյաէլացի զինուորները հեռանան Կազայի բոլոր շրջաններէն: Նունու սակայն մտավախութիւն յայտնեց իսրայէլեան ճշմարտացիութենէն, յիշեցնելով որ Թել Աւիւ նախապէս բազմիցս դրժած է խոստումները:
Ֆրանսայի նախագահ Էմանուէլ Մաքրոն Պաղեստինի նախագահ Մահմուտ Ապպասին կոչ ուղղեց Համաս շարժումը հեռացնելու Կազայի իշխանութենէն եւ բարեկարգումներ իրականացնելու, որպէսզի կարելի ըլլայ յանգիլ քաղաքական լուծումներու՝ հիմնուելով երկու պետութիւններով խաղաղութեան ընթանալու առաջարկին վրայ: Ապպասի հետ հեռաձայնով զրուցած ատեն Մաքրոն կոչ ուղղեց ապազինելու Համասը եւ ունենալու պաղեստինեան առողջ հաստատութիւններ, որոնք կրնան տիրանալ միջազգային ընտանիքի վստահութեան:
