Վարչապետ Նաուաֆ Սալամ այցելեց Դամասկոս, ուր տեսակցեցաւ Սուրիոյ անցումային շրջանի նախագահ Ահմատ Շարաայի հետ՝ քննարկելու երկկողմանի յարաբերութիւնները, մարտահրաւէրները ու տարածաշրջանային իրավիճակը: Սալամ յայտնեց, թէ այս այցելութեամբ նոր էջ մը բացուած է եղբայրական երկու երկիրներուն միջեւ՝ հիմնուելով փոխադարձ յարգանքի եւ վստահութեան վրայ, պահպանելով երկու երկիրներուն գերիշխանութիւնը: «Անհրաժեշտ է միջամուխ չդառնալ միւս կողմի ներքին հարցերուն, որովհետեւ սուրիացիներուն որոշումը կը պատկանի սուրիացիներուն, իսկ Լիբանանի որոշումը՝ լիբանանցիներուն», ըսաւ Սալամ: Ան Շարաայի հետ քննարկեց սահմանային դրութիւնը հակակշիռի տակ առնելու եւ ապահովական միջադէպերուն կրկնութիւնը կանխելու միջոցները:
