Լիբանանեան բանակէն զինուոր մը զոհուեցաւ եւ քանի մը ուրիշներ վիրաւորուեցան, երբ պատերազմի օրերէն մնացած կասկածելի առարկայ մը պայթեցաւ հարաւային Զըպքին բնակավայրին մերձակայ Ազիյէ հովիտին մէջ, մինչ աշխատանք կը տարուէր վնասազերծելու զայն
Նոյնպէս հարաւի մէջ, ապահովական տեղեկութիւններ երէկ առաւօտեան նշեցին, թէ իսրայէլեան ուժերը վերստին խախտած են զինադադարի դրութիւնը եւ զինուորական ու քաղաքացիական ինքնաշարժներով ներթափանցած են Ուազանիի սահմանամերձ գետափնեայ տարածքներուն ուղղութեամբ, ապա որոշ ժամանակ ետք՝ նահանջած:
Նախագահ Ժոզէֆ Աուն զինուորի նահատակութեան առնչութեամբ ցաւակցեցաւ բանակի հրամանատար զօրավար Ռուտոլֆ Հայքալին ու նշեց, որ «բանակը անգամ մը եւս արիւնով կը վճարէ Լիբանանի ամբողջ տարածքին պետութեան հեղինակութիւնը պարտադրելու եւ կայունութեան յանգելու սուղ գինը»
